Отколи ѣдять Василиане мясо

Франциско де Зурбаран. Ѣдѣня монахов.

Иренея Кондратовича найвеце знают по его популарной Истории Подкарпатской Руси для народа, яка написана легкым выкладом, але есть фактично компилациев, основанов на роботах А. Годинкы, Ю. Жатковича, Г. Стрипского, А. Петрова и др., что не таит сам автор в передсловѣ. Але написав он и много робот, основаных на властных студиях, в числѣ котрых и популарны миниатуры, переважно з истории Церкви.

Чин св. Василия Великого на востоцѣ не уживав мясо и нияких мясоядений. Але дисциплина у Галичинѣ и у нас в сем вопросѣ ослабла. Уже епископ Григорий Таркович, еще як капитуларный викарий дозволив, чтобы Василиане внѣ монас­тыря могли мясо ѣсти. Коли же епископ Повчий в 1819. р. в Мукачовѣ на конвентѣ Василианов присутство­вав, Василиане просили его, чтобы им дозволив мясо ѣс­ти и в монастырѣ.

Повчий выпросив мнѣние и других греко-като­лицких епископов и мясо­ядение в монастырѣ не до­зволив. В 1821. р., на епархиалном синодѣ Василиане опять просили дозволити мясоядение. Повчий рѣшеня просив от римской курии. Отвѣт – негативный. И неодовго прото­игу­мен о. Стромецкий радикално рѣшив сей воп­рос. В 1823. р., коли епископ Повчий случайно в монастырѣ перебывав, дав по­ло­жити на стол мясо. Епископ ѣв из мяса и от того часу и в монастырѣ ѣдять Васи­ли­ане мясо.

Жерело: Нова Недѣля, 3. септембра 1939, с. 4.