1912 Фиглѣ од Ваня Гунянкы
|
ЯК КРЕСТИЛИ МУРИНА Мисионер наказал муринови, котрый мал веце жен, же мусит мати лем едну, кедь хоче быти окрещеный. По даяком часѣ прийде мурин лем з еднов женов, жебы го отець духовный окрестил. – Что-сь изробил з другыма женами? – звѣдал ся го мисионер. – А зъѣл ем их! – одрекл мурин. |
У ГОДИНАРЯ Баба принесе годинарёви кывало од настѣнной годинкы и просит: – Оле, майстре, направте ми го. – А годинка де е? – звѣдат ся годинарь. – Дома-м лишила, бо годинка добра, то лем кывало не хоче ходити. |
З КЫМ БЫХ СЯ ОЖЕНИЛ – Чом ся не жените? – Менѣ тяжко ся оженити. Моя жена бы мусѣла быти барз красна, бо си брыдку бых не взял, барз молода, бо я уж старый, и барз богата, бо я не мам маетку – Та то бы мусѣла быти при том вшытком и барз глупа! |
НЕ ЁГО ВИНА
Судия: Первый раз дарую ти, але памятай, веце не укаж ся ту!
Обжалованый: Я и теперь не прийшол бы, кебы не полицай, котрый мня гев на
силу привел. Пан судия най му закажут, обы мня веце ту не приводил.
|