Заграйте гудаци

Заграйте, гудаци,
но тоту иржаву,
жебы заболѣло,
далеко од ставу.
Од ставу такого,
якого нам треба,
бо сьме запроданы
од землѣ до неба!
Заграйте, гудаци,
смыком по головѣ,
най ся пробаторить,
сволочь в нашом дворѣ!

Най отворить очи,
най гулькать, як теля,
най му страхом волося,
стоить, як куделя!

Куделя из клочом,
из родного грунка,
там де смертьов предков,
пропала и думка.
Думка про свѣтло,
правду и гордость,
скрижили ся драгы,
остала лем подлость!

Жерело: InfoРусин 1-2/2009, ст.9