Етимология - rusin8.webnode.ru

Хосен

Tue, 01 Dec 2020 19:36:00 +0200

Хосен ’ужиток’, хосенный ’ужиточный’, хосновати ’употребляти; быти, ити на ужиток’ в языку Русинох мать ареал бытованя од Лемковины по Войводину (хасен, хасновити, хасновац) и представлять характерное угро-финское слово, котрое пришло через мадярскый язык (haszon). В ерзянском и мокшанском языках находиме: кассма, касома ’прирост, рост’; во финском: kasvu ’рост, увеличѣня’. В словацком языку достало трансформованый образ osoh, osožný,...

Тримати – держати

Tue, 01 Dec 2020 19:24:00 +0200

Александер Брюкнер, польскый лингвиста, так пише о сем словѣ: «Тримати – слово наше вылучно, што на Русь перейшло, нам давное держати такой цѣлком заступило». Брюкнер, родак з Галичины, вѣроятно якраз тот регион розумѣе под словом Русь. Иншака ситуация на Подкарпатю. Чопей у своем словнику подае 7 гасловых слов од основы держати и ани едного од тримати. В обратном словнику в гнѣздѣ tart Бокшай и Ревай потовмачили мадярское значеня русинськым словом держати 6 раз, а словом тримати – еден раз....

Ромплик

Fri, 04 Mar 2016 13:04:00 +0200

Русинскый ромплик (←Rämpli), як и русска рюмка (←Römerglas 'римлянскый погар') одводять ся од нѣмецкых жерел, але мають зовсѣм иншу мотивацию. В угро-руськой казцѣ о двох кумах у Мигаля Финцицкого читаеме: «A parasztkoma fáradt volt, és jólesett volna egy korty pálinka, de már nem volt csak öt krajcárja, ezért pedig nem adnak mindkettőjüknek egy korty italt, mert egy rämpli ital hat krajcárt kóstált.» (Кум селянин быв змученый, добрѣ бы му ся упало кус паленкы, айбо не мав уже лем...

Инсект

Tue, 18 Aug 2015 18:39:00 +0200

Поз. Овад.

Овад (инсект)

Tue, 18 Aug 2015 18:34:00 +0200

Вшитко тото дробное и докучливое, что во множествѣ лѣзать и лѣтать всягды доокола нас и вадить нам, вадить ся на нас, докучать нам и быдлу называеме овадами од глагола вадити ’быти на завадѣ’, вадити ся ’вѣшати ся, припивати ся’. На хосен такого обясненя приспѣвать и бѣлорусское вадзень, де префикс вытратив ся. Треба зазначити, же суть и другы обясненя. В научном хоснованю употребляеме интернационализм инсект од лат. insectum, что есть калка из гр. εντομον...

Галѣрь (ґалєр)

Thu, 30 Jul 2015 22:10:00 +0200

Русинское галѣрь [g] (у войводинскых Руснаков ґалєр) веде ся од давного нѣмецкого диалектного goller, koller з латинского collarium, что в давности означало шийну часть панцеровой облады. Английскый одповѣдник: collar. Западны и южны сосѣды Русинов вшиткы мають подобное означеня: Словакы golier, Мадяры gallér, Румыны guler. Полякы мають kołnierz, а од них Украинцѣ – ковнір, комір, польскы Лемкы – колнір, комір, конір. З того видко, же границя межи двома ареалами...

Вапно

Tue, 28 Jul 2015 21:50:00 +0200

Поз. Вапа.

Вапа

Tue, 28 Jul 2015 21:47:00 +0200

Рѣдкостное днесь слово вапа означае: стояча вода, болото. В давных памятниках зафиксовано в Супрасльском рукописѣ, ст. 193, 12 (11. вѣк): «видѣ мѣсто нѣкако • акы вапу сушту исякшу • и тины смрьдяшту пльну». Од праславянского *vapa ’стояча вода, болото’. Федор Потушняк пише (Оповѣданя, 1942): «Подойшла над саму вапу и стала. Николи сюды не заходила, бо кто бы дурный у вапу лѣзти.» (Така…); «Свинѣ лѣниво полѣгали въ вапу и поснули.» (Чужѣ люде). Окрем Русинов сесе слово днесь познают...

Ширка

Sat, 27 Jun 2015 21:44:00 +0200

Поз. Шваблик.

Шваблик (ширка)

Sat, 27 Jun 2015 21:41:00 +0200

«В говоровой нѣмчинѣ швабель означать сѣрку, а швабелька – шваблик.» Так объяснено шаришское слово шваблик в словнику Станислава Штофаняка. (Литературное Schwefel ’сѣрка’, schweflig ’сѣрчастый’). Шваблик познають Русины Пряшовщины, Лемковины и Подкарпатской Руси, а войводинскы Русины на тото понятя мають слово ширка < сѣрка, котрое в минулости означало и шваблик и хемичный елемент. Така розлука е, правдоподобно, резултатом того, же швабликы...