Книжны выданя

Туй збераеме библиотеку русинськых книг, книг о русинськой литературѣ и языку,  доступных в електронном форматѣ и задарь. Тым способом хочеме переконати тяжку економичну ситуацию, котра гамуе розвой литературы. Кличеме русинськых авторов, што уже выдали свои книгы, подати их в електронном форматѣ и выставити в нашой библиотецѣ. Также кличеме  и молодых, и зрѣлых русинськых авторов, што мают свои достойны творы, но не мают гроший на их публикацию, жебы появили их на нашом сайтѣ. Туй може быти опубликована книга у фарбах, прекрасно иллустрована, и практично задарь, што зробит радость и вам, и вашым читателям. Интернет е Божый дар, котрый приходит в том моментѣ, коли печатаня книг, зачатое Йоганном Гуттенбергом, може быти, доживат свои послѣдны десятилѣтя.