11–20. новембер в истории
17.11.1587 в Келну родив ся Йост ван ден Вондел (†1679), голандськый поет и драматик, закладатель голандського літературного языка.
19.11.1711 (08.11 Юл.кал.) в Денисовцї при Архангелську родив ся Михаил Ломоносов (†1765), ученый, поет и кодіфікатор руського языка.
11.11.1712 у Чорнум Дунайцю, повіт Новы Тарґ, родив ся Мартин Ґавлович, познатый яко Гуґолин Ґавлович (†1787), францішкан, словацькый бароковый поет.
17.11.1773 у Дебрецину родив ся Вітязь Мигаль Чоконаї (†1805), мадярськый поет; року 1795 выказаный зо школы за недодержаня правил у інтернатї; тогды пак за рук учив ся у Калнум Потоку; року 1802 їх хыжа у Дебрецинї згоріла, а вун щи ид тому мав гертику, на котру и умер.
19.11.1789 у Великых Лучках родив ся Михайло (Михайлув) Лучкай (†1843), історик, фолклоріста, автор цїнной порувнателной ґраматикы славяно-русинськой (1830).
11.11.1791 у Кечкемейтї родив ся Йожеф Катона (†1830), вістный мадярськый драматик; свою днесь славну драму Бан Банк написав на конкурс, но не была оцїнена; року 1819 переробив штуку, айбо цензура не дозволила представу, лем публикацію; року 1820 ю опубликовав, айбо реакції она не выкликала, бо тогды в модї были нїмецькі рыцарські драмы; Катона вернув ся до Кечкемейту, цїлком лишив літературу и робив як правник.
16.11.1806 в Брезнї Банско-Быстрицького края родив ся Карол Кузманій (†1866), священник, словацькый писатель, новинарь и товмач, народный будитель.
12.11.1808 родив ся Йосиф Бодянськый (†1877), славіста, історик, фолклоріста, товмач, філолоґ, писатель, дописный член Петербурґськой АН, ініціатор выданя зберькы народных співанок Галичськой и Угорськой Руси (Головацького).
16.11.1810 у Празї родив ся Карел Гінєк Маха (†1836), чешськый поет романтик.
13.11.1813 (01.11 Юл.кал.) в Нєґушах, Черна Гора, родив ся Петар ІІ. Петрович Нєґош (†1851), пановник Чорной Горы, великый сербськый поет, автор Горского Венца (Відень, 1847).
20.11.1813 в Радомерщаку, Штірія (дн. Словенія) родив ся Франц Миклошич (Franz Xaver Ritter von Miklosich; †1891), вызначный австрійськый и словенськый славіста, лінґвіста, педаґоґ.
13.11.1818 у Сомбатгею родив ся Ласлов Мадяр (†1864), світоходник, землеписный писатель, піонер изглядованя Африкы; свої релації заганяв Академії и печатав у Будапешту.
11.11.1821 (30.10.1821 Юл.кал.) родив ся Федор Михайлович Достоєвськый (†1881), руськый писатель (Злочин и кара).
18.11.1827 в Штутґарту умер у віку 24 рокув Вілгелм Гауф (Hauff; *1802), нїмецькый писатель, найбулше познатый своима містичныма восточныма казками в духу Е. Т. Гофмана; в Росії первый го представив читателю В. Белинськый во властном товмаченю.
19.11.1834 (07.11 Юл. кал.) в Копривщици, днесь Болґарія, родив ся Любен Стойчев Каравелов (†1879), болгарськый писатель, енціклопедіста, новинарь, етноґраф, націоналный будитель.
19.11.1837 в Тренчинськых Станковцях родив ся Ян Бранислав Мічатек (†1905), дольноземськый учитель, словацькый народный будитель, поет, языкознатель.
12.11.1842 в Ліптовском Мікулашу родив ся Петер Доброслав Белла (†1919; псевдо: Горал), словацькый поет, автор гимничной піснї Ака си ми красна.
20.11.1847 (8.11 Юл.кал.) в Беоґраду умер Йоакім Вуич (*1772), сербськый писатель, товмач и артіста, отець сербського театра.
13.11.1850 в Едінбурґу, Шкоція, родив ся Роберт Луіс Стівенсон (Robert Louis Stevenson, †1894), шкотськый писатель (Остров Сокровищ, 1883); погребеный на вершинї 400-метровой горы на Самоа, ид котруй треба ити круз джунґлу.
19.11.1855 у Пешту умер Мігай Верешмарті (*1800), вызначный мадярськый поет, писатель, автор патріотичного стиха "Мадяре! Непоколибимо утцюзнинї все вірный будь!".
20.11.1858 у Марбаццї, Вермланд, родила ся вызначна шведська писателька Селма Лаґерлеф (Selma Ottiliana Lovisa Lagerloef, †1940), Нобелова лавреатка (1909).
18.11.1859 родив ся Константин Левицькый (†1941), вызначный політик Галичины свого часу, адвокат и публиціста, автор нїмецько-украинського правничого словника, почестный член Шевченкового Научного Товаришства, депутат австрійського парламента.
15.11.1862 в Щавнику-Здрою, Шлезія, родив ся Ґергарт Гауптманн (†1946), нїмецькый прозаик, поет, драматик (Перед всходом сонця), лавреат Нобела (1912).
20.11.1866 у Выраві, Земплин, родив ся Михайло (Андріюв) Врабель (главный псевдоним Иван Ґазда; †1923), русинськый фолклоріста, народописник, новинарь, педаґоґ; в роках 1888–1898 учителює в Бачцї, в роках 1898–1918 редактор русинськой новинкы Недїля (Будапешт) и календарюв Приятель Селян; зобрав и выдав зборникы співанок Русскій Соловей (Ужгород, марець 1890) и Угро-русски Народны Спїванки (Будапешт, 1900).
18.11.1871 в Городку, Галичина, родив ся Дмитрій Николаёвич Вергун (†1951), славіста, публиціста, літературознатель карпаторусинськой літературы, руськоязычный поет.
19.11.1875 у Винниках (нынї часть Львова) родила ся Катря Василёвна Гриневичова (р. Банах; †1947), украинська писателька, яка писала історичні повістї.
11.11.1878 у Відню умер Степан Митров Любиша (*1824), сербськый чорногорськый новеліста и політик.
17.11.1882 в Скалици Тернавського края у віку 70 рокув умер Даніел Ґабріел Ліхард (*1812), священик, педаґоґ, словацькый писатель, первый словацькый новинарь.
12.11.1889 на маюрни при селї Грунь, Сумщина, родив ся Остап Вишня (правд. Павел Михайлович Губенко, †1956), украинськый писатель гуморістичных повідань, фельєтонув; при Совєтах 10 рокув (1933–1943) пробыв в Ґулаґу.
16.11.1889 в Піттсбурґу родив ся Джордж Сімон Кауфман (*1889), америцькый драматик, гуморіста, сценаріста и режисер.
12.11.1892 в Новум Садї родив ся Мілош Колесар (†1983), словацькый новинарь, редактор, писатель (псевдо: Погронскі, Горегронскі, Подунайскі), автор романа Злата фантазія (1933).
12.11.1892 в Новум Садї родив ся Мілош Колесарь (†1983), словацькый новинарь, редактор, зоставитель Золотой Книгы Словенська (1929), автор автобіоґрафичного романа и зберькы ліричных повідань.
11.11.1894 (29.09. Юл.кал) в Можайську Московськой ґубернії родив ся Борис Андреєвич Пильняк (правд. Воґау; †1938), руськый прозаик, до 1937 рока много раз крітикованый, але и найбулше выдаваный, створившый цїлу школу в совєтськуй літературї.
16.11.1894 у Сумах Харьковськой ґуб. родив ся Євґеній Леопольдович Недзільскый (†1961 у Празї), пудкарпатськый фолклоріста, новинарь, поет, товмач и літературознатель русофілськой оріентації, автор студій Очерк Карпаторусской Литературы (1932), Угрорусский Театр (1941), Сучасні Руські Художники (1943), зборника русинськых пословиць и приказок З Уст Народу (1955).
19.11.1895 в Новум Садї родив ся Штефан Мігал (†1974), учитель, автор учебникув, словацькый дольноземськый писатель, товмач.
19.11.1900 у Майнцу родила ся Анна Зеґерс (Seghers, правд. Нетті Рейлінґ-Радванї, †1983), нїмецька писателька.
15.11.1903 в Будапешту умер Ян Непомук Бобула (*1844), словацькый публиціста, есеіста, політик, будователь, Словаками цїненый за літературну и будителську чинность, а Мадярами за будовлї в Будапештї и за то, же пропаґовав неоддїленя Словакії од Угер.
14.11.1907 в Віммербю, Швеція, родила ся Астрід Ліндґрен (†2002), шведська дїточа писателька (Пепі, довга штрімфля).
18.11.1907 в Ліптовськуй Селници Жілінського края родив ся Андрей Плавка (†1982), познатый словацькый поет и прозаик, чиї творы переложены як на языкы сосїдув, так и на світовы.
20.11.1907 в Ньору, Де-Севр, Франція, родив ся Анрі-Жорж Клузо (†1977), кінорежісер и сценаріста тріллерув, што достав прозывку «французськый Гічкок».
17.11.1908 (4.11 Юл.кал.) у Беоґраду умер Мілан Мілічевич (*1831), сербськый историк, писатель, педаґоґ и товмач.
16.11.1910 в Изах пиля Хуста родив ся Дмитер Рущак, православный священик, автор повідань из русинського живота (Домашны Люде, 1937).
20.11.1910 на стації Астапово (нынї Лев Толстой Липецькой обл.) умер Лев Николаёвич Толстой (*1828), вызначный руськый писатель.
14.11.1912 (02.11 Юл.кал.) в Обухову родив ся Андрій Малышко (†1970), украинськый поет, якый выдав майже 40 поетичных книг; публицістичні и крітичні творы, товмаченя; два раз достав Сталинську премію и двараз орден Ленина.
15.11.1912 (02.11 Юл.кал.) у Санкт-Петербурґу у віку 60 рокув умер Дмитрій Наркісович Мамин-Сібіряк (*1852), руськый прозаик и драматик, писатель живота Урала и Сібірії в добі розвиваючого ся капіталізма.
11.11.1914 у Ню-Йорку у фамілії потомка еміґранта з Украины родив ся Говард Мелвин Фаст (Howard Melvin Fast; †2003), америцькый писатель, у молодости походив ушитку Америку, а од року 1937 жив вылучно из писательства; первоє повіданя написав року 1932, первый роман року 1933; од року 1944 член комуністичной партії, быв и кандідатом до Конґресу од комуністичной партії; по впадї войськ Варшавського договора и притолоченю мадярського восстаня охабив комуністичну партію, зашто став ся писателём нон ґрата у Совєтськум Союзї; на зачатку 1950-х рокув написаный роман Путь Слободы быв пропаґованый в Совєтськум Союзї, а в ЗША быв гоненый за «комуністичну пропаґанду», три місяцї одбыв у арештї, а книгы му конфісковали з полиць и заказали.
13.11.1915 у варошику Ягодина, Централна Сербія, умер Йозеф Подградськый (*1823), ученик и наступник Яна Коллара на посту фараря євангеличной церкви у Будапештї, вызначный словацькый поет, драматик и публиціста ХІХ. ст. у Войводинї, автор книгы Таинствена історія панславізму вообще и словацького на Уграх зокрема и первого православного катехізма про Чехы и Словакы (оба творы:1868, Новый Сад); року 1863 прияв православіє у Фрушкогорськум монастырю, од року 1863 професор православной ґімазії в Новум Садї, выдаватель часописув Зорничка и Славик, од року 1879 жив яко пензіста в Зомборї.
15.11.1916 у Веве, Швайц, умер Генрик Сенкевич (*1846), полськый писатель, Нобелув лавреат (1905).
15.11.1918 у Кієві умер Иван Семенович Нечуй-Левицькый (*1838), вызначный украинськый писатель, публиціста, етноґраф, фолклоріста, педаґоґ.
11.11.1922 в Індіанаполісу, ЗША, родив ся Курт Воннеґут (†2007), америцькый писатель, славный сатіричныма романами (Фрыштик Шампіонув, Маччина колыска).
18.11.1922 у Паріжу умер Марсел Пруст (Proust, *1871), французськый писатель (Глядаючи страченый час, 1913–1927); творитель нового стрему у літературї.
19.11.1924 родив ся Ласлов Далош (†2011), писатель публіціста, товмач, автор співанковых текстув; потовмачив булше томув К. Паустовського, свого любеного писателя, ради того научивши ся руськый язык.
20.11.1925 у віку 61 рокув умер Стефан Жеромскі (*1864), польскый писатель, драматик, публиціста.
18.11.1930 родив ся Михайло Канюх, просвітный роботник, артіста, товмач, автор словника.
11.11.1931 в Ясёнцї, Лемковина, родив ся Теодор Докля (†1982), новинарь, поет, русинськый актівіста, з року 1961 дїятель діаспоры в ЗША.
15.11.1933 у Велькум Межирічу, край Высочина, Чехія, родила ся Ярослава Блажкова, словацька прозаичка, публицістка, авторка дїтсько-молодежной літературы.
11.11.1936 у Руськум Керестуру родив ся Дюра Папгаргаї (†2008), вызначный русинськый прозаик, поет и драматик.
12.11.1936 в Шатрищу, Житомирщина, родив ся Микола Сингаївськый (†2013), поет, автор текстув булше ги 500 співанок (Чорнобрывцї).
13.11.1936 в Руськум Керестурї умер містный парох Михайло Мудрый (*1874); од року 1919, од заложеня Руського Народного Просвітного Дружества и до смерти – ёго предсїдник; на спомаганя акцій дружества хосновав гроші из церковной касы и свої властні; выступав и яко публиціста и пропаґатор народного языка.
12.11.1941 умер Константин Левицькый (*1859), вызначный політик Галичины свого часу, адвокат и публиціста, автор нїмецько-украинського правничого словника, почестный член Шевченкового Научного Товаришства, депутат австрійського парламента.
12.11.1946 родила ся Ирина Папуґа, професорка педаґоґії, културна активістка, редакторка русинськых публикацій, предсїдничка Общества русинського языка, літературы и културы.
14.11.1952 в Рімавськой Соботї умер Самуел Чинчурак (*1883), словацькый набоженсько оріентованый писатель дїтськой літературы.
18.11.1953 в Братіславі у віку 73 рокув умер Франтїшек Вотруба (*1880), словацькый новинарь, поет и літературный крітик.
20.11.1954 у Львові умер Михайло Степанович Возняк (*1881), украинськый літературознатель, член АН УССР (1929).
11.11.1972 в Москві у віку 82 рокув умерла Вера Інбер (в дїв. Шпенцер; *1890), руська писателька и товмачка.
13.11.1977 у Будапешту курто по еміґрації умерат преслїдованый у Пудкарпатю правозащитник, писатель и товмач Вілмош Ковач (*1927), член Союза писателюв СССР.
20.11.1985 у Братіславі умер Ян Боденек (*1911), словацькый писатель, автор книг про дїти и молодеж.
17.11.1992 у Мукачові у віку 92 рокув умер Михаил Парлаґ (*1899), учитель, орґанізатор културного живота и соціалной помочи на Верховинї, етноґраф, писатель.
12.11.1993 в Днїпропетровську умер Василь Ващенко (*1905), украинськый языкознатель, професор, автор учебникув модерного украинського языка про середну и высшу школу.
20.11.2001 в Ужгородї у віку 82 рокув умер Василь (Иванув) Орос (*1919), языкознатель, фолклоріста, автор многых робот о русинськых діалектах, о языку русинськых писателюв (Духнович, Павлович, Сілвай, Фенцик)
17.11.2007 у Пряшові умерла Олена Рудловчак (рож. Микита, *1919), краёзнателька, ушорителька майповнїйшого выданя А. Духновича.
17.11.2013 у віку 94 рокув умерла Доріс Лессінґ (Doris Lessing, правд. Doris May Tayler; *1919), брітанська писателька, Нобелова лавреатка (2007): єй творы The Grass is Singing (1950), Children of Violence (1952–1969), и The Golden Notebook (1962) сут на важні політичні и соціалні темы.