Зачатком ХХ. столѣтия Русины щи продовжовали хосновати розличны рукописны зборникы апокрифичных текстов. Часть такых зборников была найдена Володимиром Гнатюком у выправах по русинскых землях и пак появена Иваном Франком (1902,1906).

Текст апокрифа, о котром ту говориме, Ходзенье Пресятей Дѣви Богородицы по мукохъ, находит ся у рукописном зборнику Янка Надя з Пишкоревцев, Горватия, а на первой сторонѣ мат датовано: «28. фебруар 1904». Зборник писаный у тейцѣ 12x19 цм з твердыма корочками, числит 114 пагинованых сторон и едну (115.) непагиновану. Сам спомянутый текст е на сторонах 81–115. Зборник ся днесь находит в оддѣленю старых книг библиотекы грекокатолицкой пархии Руского Керестура.

Зачаток того текста подаеме пониже, а з той иллустрации можеме видѣти много интересантного. Видиме, же язык, 150 роков по переселеню, уж е такой цѣлком, окрем правописа, сформованый у его днешной подобѣ, хоть ще видко на нем даякы стары особитости. Текст написаный, з еднов выимков, традицийнов азбуков, яка в том часѣ хоснована была и Русинами Подкарпатя. Выимков е появеня буквы ґ (ґу, цо ґодъ). Буква ы е в процесѣ занику, хоснована несистемно и з векшой части вычеряна з буквов и. Очевидно, то одповѣдало реалному положеню, коли постепенно перемагала бесѣда переселенцев из Шариша, де звук ы абсентуе. Указаный текст абсолутно чистый од сербизмов, може быти, з причины религийного характера, не потребуючого специалной терминологии. Из подкарпатскых особитостей паде в око хоснованя корѣня сят намѣсто свят. Буква ї стрѣчат ся як на своем законном мѣстѣ (мїр, исполненїе) так и намѣсто буквы и (Хрїсту). Она ищи не мат функции йотации, палатализации, якы достала в позднѣйшой кодификации од Габора Костелника. Правопис текста указуе намаганя точно передати фонетику бесѣды и про то ту и там наражат на тяжкости (Отчеье исполненїе, Отца своього). Очевидно, же подобны проблемы добрѣ знал Костелник и коли трафил до Лемберга и осадил ся там на стало, нашол в украинском фонетичном правопису готовое рѣшеня на тоты проблемы.

ХОДЗЕНЬЕ ПРЕСЯТЕЙ ДѢВИ БОГОРОДИЦЫ ПО МУКОХЪ;
тото слово барзъ потребне о спокою вшицкого мїра

Богородица Сятая сцела ше помодлѣцъ Господу Богу нашему, Іисусу Хрїсту на гори Елеонскей Въ имя Отца † и Сина † и Святаго Духа †. Аминь.

Да зидзе Архангелъ Михаѣлъ и да пове ци о мукохъ небеснихъ и земнихъ, по заповесци Божей. На слово розказане зишолъ Архангелъ Михаѣлъ и штиристо ангели зосъ нѣмъ: сто от востока, сто от полноци, сто от поладня, сто от западу. И побочкал Благодатную Архангелъ Михаѣлъ зосъ ангелами и поздравелъ ю: «Радуйся, Отчеье исполненїе! Радуйся, Синовске пребиванїе! Радуйся, Сятаго Духа похвало! Радуйся, хрїстїаномъ утвердзенье! Радуйся, Давидово преглашенье! Радуйся, святое поклоненїе! Радуйся, пророческое проповѣданїе! Радуйся, Превишняьа всѣхъ у престола Божїя»!

Рече же Благодатная: «Радуйся, Архїстратиже Михаѣле, перши воинъ, невидимаго Отца, служителю и свѣтилниче Божый! Радуйся, перши воинства Святаго Духа заповеданье! Радуйся, Архїстратиже шестокрѣлатству похвало! Радуйся, Михаѣле Архїстратиже, мучительемъ поправленїе! Радуйся, Михаѣле, просвѣщенїе. И возбуди умершїя. Радуйся, Архїстратиже Михаѣле, перши до престола Божаго прославшаго».

Богородица сцела муки видзицъ, якъ души муча ше у аду.

Богородица питала ше Архїстратїга Михаѣла: «Цо естъ на жеми вшицко»? И озвалъ ше Михаѣлъ ґу Богородици и такъ ей гуторелъ: «За цо ґодъ ше будзешъ питацъ и цо будзешъ жадацъ, вшицко ци повемъ и укажемъ, Благодатная, и поводзимъ це по мукохъ, дзе ше мучи родъ хрїстїански». И такъ ей Михаѣлъ гуторелъ: «Тоти муки су ньевиповедзени и нье маю числа». И рекла Сятая Богородица: «Повецъ ми муки на ньебе и на жеми».

Богородица Сятая ходзела по мукохъ.

Архїстратихъ Михаѣлъ явелъ ангеломъ от поладня, и отворел Богородицы ад. И видзела души дзе ше муча у аду; и тамъ було вельо хлопи и жени, и булъ вельки плачъ, нариканье и шкрипанье зубомъ. И питала ше Сята Богородица: «Яки то»? Отповедъ ей Архангелъ Михаѣлъ: «То су тоти цо нье веря во Отца, Сина и Сятого Духа. Цо забули за Бога и нье верели цо Богъ себе и народу на славу и хасенъ створелъ, то вони тримали себе, и припознали за Бога слунко, мешацъ, жемъ и воду, гвизди и гади, жвири. То хладокъ чловека (цинь), або з каменя направели идоли и тымъ верели и за Богохъ почитовали, и зато ту ше муча на вѣки вѣковъ».

И видзела на другимъ месту цму вельку, и питала ше Сята Богородица: «Яки су то у тей цми, и хто естъ»? И Михаѣлъ отповедъ: «Вельо души пребиваю ту и муча ше». И рекла Сята Богородица: „Да будзе видно, да видзимъ ихъ муки". И гварели ангели, котри були стражаре от тихъ мукохъ: «Опоруки от Бога ньетъ да будзе видно. Вони такъ су ту положени до тей цми да нье видза шветлосцъ, докъ ше нье яви Синъ твой любезный седемъ разъ от виходу слунка».

И смутна була Сята Богородица гу ангеломъ, и дзвигла очи свойо горе и попатрела на ньевидзени престолъ Отца своього и рекла: «Во имя Отца и Сина и Сятаго Духа, аминь. Да ше уклонѣ цма и да видзимъ тоту вельку муку». И уклоньелъ Богъ зос седмого ньеба цму, и появела ше шветлосцъ. И було вельо, вельо народа, котримъ ньетъ числа, мужескый и женскый сполъ. И бул плачъ вельки, скрежетъ зубовъ и вельки гласъ и крикъ ше чуе.

И кед Сята Богородица видзела тоту муку и питала ше ихъ, плачуци зо слизами: «Цо сце зробели, бѣднѣци, окаяный и ньедостойный? Як то ви ше на тото зле место окаяне достали»? И нье дали грѣшнѣци Сятей Богородици нѣякого слова анѣ отвѣта. И гварели ангели грѣшнѣкомъ: «Чомъ нье повеце»? Озвали ше грѣшнѣци цо ше тамъ муча: «О, Благодатная! От вика зме шветла нье видзели и горе нье можъ попатрицъ». И попатрела Сята Богородица, и заплакала жалосно, як видзела дзе ше муча, и прегварели гу ньей грѣшнѣци: «О, сята Богородице! Якъ да ши пришла гу намъ, окаянимъ? Но Синъ твой благодатный и на жемъ пришолъ, и нье питалъ ше насъ, анѣ Аврамъ прадѣдъ нашъ, анѣ апостоли, а ти, Сята Богородице, котра ши заступнѣца и помочнѣца роду хрістїанскому, ты модлѣшъ Бога о насъ, якъ бишъ прешвѣцела бѣдныхъ».

И Сята Богородица питала ше Архїстратига Михаѣла цо согришели. Вон ей одвитовал: «То су тоти хтори нье верели Во имя Отца и Сина и Сятаго Духа, анѣ у це, Сята Богородице. Не верели якъ же ши за цело мацъ Божа, и нье верели же от тебе Сятей Дѣви Марыи родзелъ ше Іисусъ Хрїстосъ и Богъ нашъ, и цело прїялъ на себе, и ошвецелъ жемъ кресценьомъ своимъ, та зато су ту и муча ше въ вѣки вѣковъ. Аминь».

И зашъ розплакала ше Сята Богородица, розплакала ше надъ нѣма и жалошнье имъ гварела: «Чом сце ше соблажньели, нье знали сце же моьо мено почитую и веря вшицки поколеня, и создание Божие, и народъ хрїстїанскый»? И кедъ тото виповедла, зашъ на нѣхъ цма пришла, якъ и було.

Ту наведена примѣрно пятина текста. Повный текст
 памятника и иншы  подобны тому тексты з деталнѣйшым
 розбором мож видѣти ту:  Др. Янко Рамач. Тексти апокрифа
 «Хождениє Богородици по муках» у руских рукописних зборнїкох.
 Шветлосц. 2011. Ч.1. 49–70.