Материнская любов

Первый сын ю пришол в гробѣ навидати;

В чорной-темной земли одпочиват мати.

Просит, умоляет з дрожащим голосом:

«Ой, мамочко, вставай и прийди во мой дом,

У мене есть жонка, тиха, миленькая,

И дѣточкы любкы, як цвѣты у маю,

О, матушко наша, молим тя любовю…

О, як бы жило ся щастливо з тобою»…

Всё тихо, зем молчит…

Матушка далше спит.

Пришол и другый сын, конь под ним играет,

В богатой одежи пышно вызирает,

«О, мамочко, вставай, если ти возможно,

Чтоб сама видѣла мое достоинство!

Я по царю первый, а в цѣлой краинѣ,

Князѣ, достойникы, всѣ кланяют ся мнѣ,

О, встань, мати моя, горди ся зо мною,

Подѣлим ся блеском, богатством, славою!»

Всё тихо, зем молчит…

Матушка далше спит.

Пришол и найменшый, бѣдно вызирает,

Слезы з очей ллют ся, лиця блѣды мает,

Над гробом заплакал: «Ой, мамочко моя,

Якый я нещастный, горька моя доля;

Любов на том свѣтѣ нигде не нахожу,

Голод, холод мучит, я сиротом хожу,

Ой, встань, бо загыну, сирота бѣдный я,

Ой, встань, бо загыну, встань, мамочко моя!»

Гроб ся отваряет,

Матушка вставает.

Верш появненый в часописѣ Vožd‘ (Leader). Cleveland, Ohio, фебруар 1930, ч.2, с.2