2005 Petőfi a ruszin nép nyelvén – Петевфий русинськов бесѣдов
27.03.2013 19:36
Золтан Медве. Petőfi a ruszin nép nyelvén – Петевфий русинськов бесѣдов
Petőfi Sándor kárpátaljai ruszin fordításainak antalógiája –
Антология подкарпатськых русинськых товмачень Шандора Петевфия.
Пуд редакциов Иштвана Удвари. Нѣредьгаза, 2005. 176 ст. 2,4 Мб.
Монография мадярського литературо- и языкознателя содержит репрезентативну зберьку русинськых товмачень Шандора Петефвия, роздѣленых на добы подля часу публикации: епоху Австро-Мадярськой Монархии, меживоенну чехословацьку добу, час войны, украинськый период. Тексты поезий сут по русинськы на языку, котрым в том часѣ писали Русины. Дякуючи тому она прекрасно може иллустровати етапы розвою языка. Также по русинськы сут два прозовы материалы з 1899 рока, з новинкы Недѣля. В числѣ представленых авторов товмачень сут такы нашы корифеи, як Михаил Врабель, Гиадор Стрипськый, Иван Сильвай, Николай Келлий, Емил Балецькый, Федор Потушняк и щи многы иншы, а тыж и незвѣстны авторы и еммигранты з меживоенного и военного часу.
Вступное слово, коментарии, курты биографии авторув, содержаня и указовач сут по мадярськы.
Стерьхати книжку: https://yadi.sk/d/7nJKprF13lwSq