Часовый инструментал без предложкы

Часовый, або тзв. темпоралный инструментал без предложкы даколи порѣдко находиме у старшых текстах. У днешном русинском языку сохранил ся лем у выразах того рода, як вечерами и ночами. Не повѣст никто грамотный: зимов, раном, днем итд. Часовый инструментал, у принципѣ, днесь замѣнюеме:

• конструкциов через+акузатив: через зиму;
• прономеналнов конструкциов типу: кажде рано, кажду зиму;
• конструкциов на+акузатив: на ярь, або присловником: наярь;
• конструкциов з+генитив: з рана, з осени;
• конструкциов в+генитив: в яри, в осени, або присловником: водне, вночи итд.

Доднесь жива лем една категория старого часового инструментала – формы множины у инструменталу тых назывников, котры означуют единкы часу, як днями, мѣсяцями, тыжднями, роками, вѣками: днями не ѣл нич; мѣсяцями не приходил домов; вѣками были притѣснены итд.

Жерело: Гелена Медеши.  Язик наш насущни.
Дружтво за руски язик, литературу и културу.
Нови Сад, 2008. 53–54.