Добра баба и чорт
Дѣяльство Кралицкого… было барз рознородное. Библиография его прац, статей, нарисов, репортажи числит близко 200 позиций. Незмѣрнѣ цѣнны суть его записы русинского фолклору – легенд, баек, приповѣдок, пѣсень.
Петро Трохановскый
Рисункы Меира Аксельрода
На селѣ нигда ищи не бывал коминарь чистити комины, и люде го не видѣли. Аж раз ишол он до пана оречного вымѣтати комины, – та ишол через лѣс, а там баба грибы зберала и, коли го увидѣла, думала, ож то чорт. А перед ним стояли два пѣшникы. Еден направо, а другый налѣво.
– Жоно, котрым пѣшником ближе до села, ци правым, ци лѣвым?
– Правым пѣшником бы вам ближе, але там на конци села стоит крест... Та идьте лѣвым, хоть то дале.
Жерела: Лемківскій календар, 1994. Стоваришыня Лемків. Ліґниця – Крениця. Ст. 65.
Иллустрации: https://meir-akselrod.com/1931-1950/illyustracii/