Дрозды
24.12.2013 10:36
В фамилии Дрозда настала велика радость. Послѣ многых жур и старань удало ся бѣдненькым сопругам вывести двох дрозденят. Самѣ не доѣдали, вшытко носили дѣточкам, гордости цѣлого роду. Выросли дрозденята и раз лиш зачали спѣвати. Слухать отець, слухать мати – спѣв ги дроздиный, али все ж не такый, як их спѣв. Каже мати: «Голос у вас добрый, айбо якось не так спѣваете, як другѣ дрозды.»
«Ба, – каже еден из молодцев, тай зачне крутити носом, – я спѣваю иншак, бо я уже не дрозд, а дрізд.»
«А я, – каже другый, – ни дрозд, ни дрізд, а приналежу к роду драздофф и желаю спѣвати твйордо.»
«А все ж, – каже мати, – хоть як спѣваете, есте и останете ся простыма... дроздами.»
Литературна Недѣля, 1941, ст. 15