Кирбай, кермеш

Кедь чуеме слово «кирбай» у дольноземскых Руснакох, може у нас взникнути думка, же тото слово сербское, бо и Сербы го мають, а перебрано од турецкого. Так думаючи дуже бы сьме ся замылили. Слово тото значить рочный церковный праздник дня посвячѣня церкви, котрый ся звычайно споюе ай з торговицьов, де мож купити цукрикы, лизала, медовникы, иншу всяку добрятину. А повело ся з нѣ­­мец­кого Kirchweihe 'посвяченя церкви', у Лемков же на Горници йому одповѣдать слово «кермеш»  з нѣмецкого Kirmes 'храмовый праздник, а тыж ярмок'. У подкарпатскых же Русинох, а и в шыр­шом околѣ сохра­нило ся на тото понятя слово «одпуст»,  котрое означать главное содержаня того цер­ков­но­го празд­­­ника, а тым е одпущеня грѣхох через сповѣдь.