Комисный

Комисный значить 'солдатскый', 'од державы застаченый', але и фигурално 'леда­якый, ненайлѣпшый' и мать ясну етимологию: иде од нѣмецкого Kommiß из зна­чѣ­­ньом 'рекрутчина, военска служба', что цѣлком природно, понеже в Австро-Ма­дяр­щинѣ в вопросах военскых доминовала нѣмецка терминология.

Мамко моя мила, ѣм я хлѣб комисный,
Бо я, мамко, ношу царскый мундур свѣтлый.
            (Народа спѣванка зо зберькы А. Годинкы).

Найчастѣйшое хоснованя: комисный хлѣб 'солдатскый хлѣб', 'чорный хлѣб' мать прямый нѣмецкый оригинал:  Kommißbrot.