Моя

Я вже не тот, что ’м быв переже,
Не впознав бы ня и мой друг,
Я залюбив ся! й лѣпше, й тверже,
Неж як до цвѣткы зелен-луг.

Признаю, цвѣтка та прекрасна,
Проберат очи ей краса, —
Хоть то и так… она безстрастна,
Ньов не зогрѣе ся душа;

Моя ж любовниця, як пламѣнь,
А ей огень неугасим,
И як зогрѣе сердця камѣнь,
Сей час и заговорит з ним!

Любив бы ’сь знати ту дѣвицю,
Подружку, свѣтелко душѣ?…
Не найдеш в свѣтѣ красавицю,
Од моей пипкы горячѣй!

Жерело: (Свѣть 1869. Ч.25.)