Мураний Иван: Оповѣданя и байки
25.02.2015 10:41
Иванъ Мураній / Оповѣданя и байки / Подкарпатское Общество Наукъ / Унгваръ, 1941 / Народна Библіотека Ч.2 / 64 стор.
Формат файла: pdf (факсимиле). Розмѣр: 6 Мб.
О авторѣ. Иван Иванов Мураний (1881–1945; псевдоним Иван Бростяник) – профессор русинского и латинского языков, географии и математикы, дописный член Мадярской Академии Наук, автор учебников. В беллетристицѣ выступил яко байкарь, автор повѣдань, гуморесок, драматик, толмач з английской классики (Шекспир, Диккенс).
О книзѣ. В книжочцѣ находят ся 7 повѣдань, 6 баек, гумореска и една споминкова шкица, в котрой автор, познакомит нас из обстоянями часу пролетарской револуции и моментално послѣдовавшой за нев оккупации края чешскым и румынскым войском. Повѣданя сут переважно бытового и дидактичного характера, измежи них тематично выокремлят ся автобиографичное и психологично наладованое «Покаженна радость». Байкы звекша патриотично-дидактичны. Гумореска «Народочисленя» е в духу подобна творам иншых нашых гумористов того часу, али и реагуе, як мож видѣти, на реалны социалны обстояня свого часу, тым самым добераючи новшого вартостного офарбеня.
Язык автора народный, а при том не увидиме у него даякы идиосинкразии на богаченя свого лексикона з хотьякого сосѣдского языка, что чинит выказ цѣлком природным, без биючых до ока чужот. Автор законопослушно подчинил ся грамматицѣ д‑ра Ивана Гарайды и его редагованю, так же в том выдержана цѣлостность едиции «Народна библіотека».
Читати або стерьхати:
www.mediafire.com/view/v073eoj0zihn9en/Muranyi1941.pdf