Мы люде

Вбы трѣскла

страху
барьера
зневоленя

Леть же

         птаху
от хыжи лемковской

                   до хыжи

и несь правду

                   людови моему

же вольны

                   мы люде

як давно

                   Руснакы
же знов сами
судьбу

         свою

ковати

         мусиме
и братов

                   глядати

                   по свѣтѣ
Леть же птаху
всягды там
де гварят

                   лем
Леть голубе
святый наш
з добров

                   вѣстков
до Руснаков
и оливну голузку
им занесь

                   одновленя

нашу

         стару руску

Несь всѣм

                   Лемкам
                   едность

правду
повѣдай

         же няньо сут дома
и просят вшыткых

                            до обѣду
при лемковском столѣ

                            земли родной
                            ся вклонити

правдѣ

         зазирнути в очи
горе позабыти
посѣяти в поли
и повести

                   свои дѣти

до церкви
и до родной

                   школы

Жерело: Лем. Лемковина 1991. 28–29