Наш місцевий Вавилон
Степан Черничко, Чілла Фединець. Наш місцевий Вавилон. Історія мовної політики на території сучасного Закарпаття у першій половині ХХ століття (до 1944 року) Ужгород, 2014. 236 стор. Файл pdf, 46.0 Мб.
Як наповѣдат назва солидной монографии, иде ту о языкову политику в Подкарпатской Руси в добѣ часто перемѣняючого ся державного подданства того края. З книгы ся може читатель пересвѣдчити, же парадоксално до 1944 року обывателѣ Подкарпатской Руси были з доброй волѣ державы были надѣлены такыма языковыма правами, якых днесь безуспѣшно ся добивают уже многы рокы. Авторы добрѣ проанализовали и знают жерела и факты в выбраной темѣ, фактично у много ширшом часовом россягу, як тот, котрый зголосили. Они зобрали велми богатый и выразный иллустративный фотоматериал, але еще, ачей, найвекшу выразность и актуалность своим думкам и заключеням додали, конфронтуючи зобраный историчный материал з днешныма реалиями. Напримѣр так.
В березні-квітні 1917 року Михайло Грушевський (1991: 104–105) написав наступні слова: «Ми не візьмем прикладу з Угрів, котрі виступали перед Європою лицарями вільності, а у себе в Угорщині, добувши для неї державне право, зав'язали в неключиму неволю всі інші народності. (...) Всякі прояви українського шовінизму, виключності, нетолеранцїі, супроти інших народностей несимпатичні й небажані взагалі, коли б то не було. Тепер же, в нинішніх обставинах, коли так треба такту і розваги, порозуміння і солідарності для осягнення великої мети, вони недопустимі зовсім. Їх треба попросту признати національним злочинством і виступати проти них з усею рішучістю».
(Стор.46)
Авторы яко историкы не кладут собѣ задачу розберати языковы або литературны вопросы, ани не чинят даякы конкретнѣйшы розборы в той сферѣ. У сих вопросах они лем ся одкликуют на окремы несистематизованы думкы з того круга проблем, высловены в розличных тогочасных жерелах, што в добѣ острого языкового спора часто не были ани фаховы, ани объективны. На то мусит читатель книгы наперед мерковати. До слабшых сторон мож однести и то, же не нашол достаточного освѣтленя период до конця Первой свѣтовой войны, коли, наперек законам Аппония, односно успѣшно, безконфликтно розвивала ся литература мѣстной, русинской ориентации. А якраз тот период е передисториев настаня «мѣстного Вавилона» и своим контрастом объяснят причину того настаня: приток непримиримых «погорѣлцев» з револуцийного пожара в Русской империи.
Читати: issuu.com/kirasgood/docs/vavilon_1_58/1
Читати и стерьхати: www.mediafire.com/view/wmme5a3po6j3mph/Vavilon2014.pdf