Нич ше мнѣ не пачи

Подля зоставителя зборника, Михаила Врабеля тоту спѣванку зобрав в Седли­сках Иван Поливка, котрый там учительовав в роках 1884–1887. Тамошна гвара е близка ку бесѣдѣ дольноземскых Руснакох, а туй можеме видѣти при­мѣр того, як М. Врабель записовав и тоту речь етимологичным правописом, кот­рый и дольноземскы Руснакы хосновали не лем до року 1923,коли Габор Кос­тел­ник появив нынѣ хосновану фонетичну граматику, а ищи довго по тому, онь до середины 1930-х.

Нич ше мнѣ не пачи,
лем тота приправа,
чарна реверенда
и кандраста глава.  

Дармо ме, мой оцец,
до школы даваце,
не будзе зо мня поп
ани не жадайце.

Не будзе зо мня поп,
ани жадный патер,
бы сом од олтара
на невѣсты патрел.

Притрафило бы ше
мнѣ пойздз и по квесце,
а я бы заблудзел
ко шварней невѣсце.

Трафило бы ше мнѣ
пойздз и ко хорому,
а я бы заблудзел
к дзивчатю шварному.

Жерело: Русскій соловей. Народныя пѣсни. Собралъ М. Врабель Унгваръ. 1890. 112.