О зрадцях, судах и бородах при 100-рочу вѣденского суда над русофилами
В лѣтѣ 1915, в Вѣдню, в часѣ войны против России группа галицкых русофилов была обвинена з державной зрады. В группѣ были два депутаты парламента, Д. Марков и В. Курилович, два правникы, К. Черлюнчакевич и И. Драгомирецкый, новинарь Д. Янчевецкый, селянин Хома Дяков и ковач Гаврило Мулькевич. Что же сполочного могли мати тоты семеро, что привело их на тяжкый грѣх зрады отечества? Вшыткы злочинникы себе называли русскыма и своим языком – русскый литературный язык, а Дмитер Марков набрав ся дерзости выступити в австрийском парламентѣ на том языку! Тоты зрадникы были вшиткы рождены галичане! Факт зрады быв доказаный найденыма у них русскыма книгами и газетами, русскоязычныма письмами, поштовками з видами России. Суд установив, же в границях монархии не было, нѣт и не може быти жадного русскаго народа, а лем еден вѣрноподданый украинскый народ.
Доктор Вондрак, чешскый слависта з вѣденского всеучилища, як експерт быв закликаный посвѣдчити научно в вопросѣ чужости и ворожости русского языка. Судьѣ надѣяли ся, же он потвердит абсолутну окремѣшность украинского языка. Але експерт не справдив их надѣи. Зацитуеме з книгы Вопрос объ единствѣ русскаго языка передъ австрійскимъ военнымъ судомъ въ Вѣнѣ въ 1915 году.
Докладчикъ: Каковъ -же результатъ экспертизы ?
Д-ръ Вондракъ: Результатъ слѣдующій: малорусскій языкъ тѣсно связанъ съ велико-русскимъ; онъ составлялъ съ нимъ, очевидно, одно языковое цѣлое, отраженія котораго проявляются еще и нынѣ. Съ теченіемъ времени, однако, въ малорусскомъ языкѣ, главнымъ образомъ – подъ польскимъ вліяніемъ, обнаружилось разбѣжное развитіе. Но не подъ однимъ только польскимъ вліяніемъ, – отдѣльныя черты развились сами собою, какъ, напр., переходъ ѣ въ і, – такъ что, благодаря этимъ двумъ обстоятельствамъ, возникли все-таки довольно значительныя различія между малорусскимъ и великорусскимъ языками. Тѣмъ не менѣе, однако, эти различія далеко не таковы, чтобы можно было утверждать, что оба языка не связаны другъ съ другомъ, такъ какъ и нынѣ еще видно, что это вполнѣ родственные языки, которые принадлежатъ одинъ къ другому.
Але нич то не помогло. Воююча Австрия в том часѣ напоминала днешну Украину. Вшиткы семеро достали засуд смерти. Лем вмѣшательство русского и еспанского монархов помогло захранити живот засуженым, а уже через три рокы сама Автро-Мадярска монархия закончила свою историю, и невинны арестанты вышли на волю.
В мадярской части монархии русофилы мали ся кус лѣпше, але и ту нияк раз не были в чести.
В року 1880 цѣсарь Франц Йозеф навщивив Межилаборцѣ, и на стации в имени Русинов привѣтствовати его мав священник Ю. Ставровскый, котрого выбрали з той простой причины, же межи священниками лем он сам быв безбородый и так мав найвеце европейску вонкашность. И коли Ставровскый в чолѣ группы бородатых попов представ перед свѣтлы очи самого цѣсаря и представив: «Депутация русскаго народа и священства», – зараженый император на хвильку не знав что повѣсти од зачудованя, а тогды зачервенѣв ся и повѣв: «В моей державѣ русскых нѣт!» – по чому ани не слухавши далшы депутации повернув ся ку вагону и одышов. З Мѣшковця телефоном епископ пряшовскый быв вызваный на авдиенцию, а неодовго по тому бороды в цѣлой епархии были заказаны.
А ще омного, омного скорше, бо в року 1692, неугомонный бородатый батько Мигаль Андрелла з Оросвигова, котра то назва по мадярскы не иншое значит як ’край русского свѣта’, противлячи ся принятю унии з Римом, яку же то крамолу пише о папѣ в своем сочинению «Логос»!
Они сице о мнѣ мыслиша: еще молодый, еще не знаетъ правду всю. Нехъ ся учитъ, научитъ ся правду знати, яко иніи отцемъ назвати, святымъ человѣкомъ. Не спалъ онъ изъ моею мамою, же быхъ отцемъ его звалъ, ани-мъ го не видѣлъ, ниже мнѣ даетъ остію. Оплатка его не хощу, ани грошей его. Еще-мъ въ оней часъ плюнулъ на него…
А преця просили го, обясняли му, як сам ся зознавав:
Ото видиш красныхъ, честныхъ патровъ и пановъ предъ собою. Что жъ ты гадашь, мыслишь, на свѣтѣ живущи? Цезарь нѣмецкый, кроль польскый, иншіи монархи, великіи панове, всѣ суть папежници, и мы зъ ними южъ. Дай ми руку свою на тое, жебы-сь зъ нами въ едности зоставалъ и ты!…
Проситъ мя владыка: «Небоже, не чини срамоту и стыдъ самъ себѣ, опамятай ся, что ти ся стало?! Послухай всѣхъ насъ, у чести людской и ты будешь изъ нама».
Але Мигаль нѣт, а нѣт послухати мудрое слово. И мусѣв за то и он заплатити брадов, власами и поповством своим.
Не изволихъ по совѣту ихъ. Они мене, ухвативши, приведоша къ столу своему в полатѣ и даша владыцѣ до рукъ стригалню свою, ножицы, рекоша: «Обстрызи ему власы всѣ, браду и главу, еще же не лиши и уса, да будетъ простакомъ, хлопомъ, панщину робити, а не поповати».
Днесь на Украинѣ якбы сьме видѣли рецидивы тых давных историй. А мудры люде давно варовали: история повтарят ся два раз: первый раз в видѣ трагедии, другый – в видѣ фарса.