Пивниця

Етимология слова пивниця е очевидна: < пиво < праслав. *piti. Хоть из током часу пив­ни­цѣ зачали служити нам не лем на выдержованя и передержованя боч­ковых напойох.

Но туй интересно буде подати примѣр «народной» етимологии, котрый можеме видѣти в словнику Л. Чопея: по̄вниця,  циже слово одводить ся од полный. Бизов­но, е то хыба, и потвержено се тым, же автор не подав ку тому паралелну фор­му полниця, коли ж иншак звыкне давати обѣ формы (повный и полный), а так­же и тым, же в словѣ полный не може одбывати ся алтернация о̄.