Поход Карпатороссов
З выданя Ивана Поливкы (1920, Ужгород) замѣстили сьме в юлию 2013 покуртаный вариант сего верша под назвов Дума карпатоборца, котрый обнимал лем зачаточны 12 шориков. Не мож вылучити, же причинов такого покуртаня были политичны условия в часѣ публикации. Днесь маме полный вариант з выданя Ивана Шлепецкого (1955, Пряшово), з оригиналнов назвов Поход Карпатороссов, котрый е омного богатшый. Автор тоту пѣсню замѣрил яко потенциалный текст спѣванкы, де рядкы «Смотри быстро, спрости тѣло, // Рушай, ступай, крачай смѣло!» мали быти рефреном, што ся мал повторити по каждом очередном двовершу. В текстѣ нерушано зохабены вшыткы руссизмы.
Слушай, русскый чоловѣче,
Дух народа тебе кличе:
Смотри быстро, спрости тѣло,
Рушай, ступай, крачай смѣло!
Ступай вперед, русскый брате,
Перед тобов дѣло святе!
Тебе зовет дух народный,
Ты должен быти свободный.
Дух свободы в горах жыет,
Ему народ вѣнец виет.
Русскый народ богобойный,
Ненавидит звѣрскы войны.
Если нужно воевати,
Знает стрѣляти, рубати.
Испытали Шведы, Турци,
Что хороши русскы стрѣльцы.
Французы Москву видѣли,
Их Москвы пожары грѣли.
Москва себе жертвовала,
Врага в снѣгу погребала.
Храбры воины — козаци,
Скусили bracia Polacy.
Карпаторосс надѣет ся,
Что зла судьба поминет ся.
Он по вертепах Бескыдов
Вспоминает долю дѣдов.
Русскую думку думает,
Лучшей судьбы ожидает.
Из могил кричат предкове;
Бодрствуйте, Руси сынове!
Мужайтесь, скрѣпляйте уды,
Перед вами працы, труды!
Работайте и спѣвайте,
Бога в помощь призывайте!
О молодеж лучше дбайте,
Дѣтей в школу посылайте!
Добрый розум, память мают,
Научат ся, что не знают.
Святая Русь добра мати,
Наш род будет защищати.
Что не было, стати сь может.
Господь бог нам допоможет.
Но мы должны работати,
Сами себѣ помагати.
Взмагайтеся, русскы дѣти,
Руси врагов посрамити.
Бог освятит добру волю,
Пошлет Руси лучшу долю.
А вы, русскые сестрицы,
Польте бурян из пшеницы.
Русскым чувством нам спѣвайте,
Народ облагородняйте.
Жаворонкы русской весны,
Поздравляйте свод небесный.
Пѣснь к небесам возношайте,
Благодати умоляйте.
Жаворонкы русской весны,
Пойте, сеструньи любезны.
Сердечны пѣсни спѣвайте,
Народ облагородняйте.
Ваш голос милый, прелестный,
Развиет цвѣт нашей весны.
Вас учили русскы мамкы
Пѣть сердечные спѣванкы.
Над колысками вам пѣли,
Русскым молоком кормили.
Русскый народ вас годовал.
Тяженько на хлѣб працовал.
И теперь вас он питает,
Хлѣб и одежду подает.
Возлюбите его вѣру,
Его народную лиру.
Его церковь, русску хату,
Его души мысель святу.
Да воспоют чувства груди
Народу за его труды.
Молим бога, чтоб здравствовал,
Руси благобыт основал.
Русскый народ величавый,
Достоен чести да славы.
Пред ним мы благоговием,
С его цвѣтов вѣнец вием.
Вы, народа наставници,
Отцы первосвященници: —
Русскую думу думайте,
За горы не позирайте,
Откуда ненависть к Руси
Православных трапит, дусит!
Кто вѣрит, должен любити,
Не ставляти на Русь сѣти.
Вы не Римляне не Нѣмцы,
На вас Руси свѣтлы вѣнцы.
Русь вы должны почитати,
Ибо она наша мати.
Хочете ли в чести быти,
Вы должны Русь возлюбити.
Ея чувства раздѣляти,
Жизнь народу развивати.
Мы не Туркы, не Татаре,
Не Монголы, не Мадьяре,
Не Нѣмцы, не Англичане,
Мы русскый народ — Славяне.
Нам, Русскым, сродны племена,
Вот вам их честны имена:
Болгаре, Сербы, Боснякы,
Словенцы, Чехы, Словакы,
Хорваты да Лужичане, —
И Польша к Русскым пристане.
Если нѣт, то онѣмчит ся,
В германизмѣ растопит ся.
Полякы нам родны браты,
Их портят аристократы.
Матушка — Русь убѣждена,
Что Польша — сестра прельщена.
Станет разумно думати,
С Русью Бога прославляти.
Вперед, братья, бодро, смѣло,
Огромное Славян тѣло!
Дух славянства величавый,
Создаст храм славянской славы.
Смотри быстро, спрости тѣло,
Рушай, ступай, крачай смѣло!
1879 г. Жерело: Александр Павлович. Избранные произведения.
Под общ. ред. И. С. Шлепецкого. Пряшев 1955. 74–80.