Сарака

Слово сарака 'неборак', 'сегинь', 'сирота', 'бѣделак', 'бѣдолаха' мае ясну и не­о­спор­ну етимологию. Сло­во пришло з румынского sărac (чит.: серак). Зась да­ле­ко не такым ед­нозначным е ареал рос­ши­рѣня того слова. Словник Янова за­зна­чать го у Гу­цу­лох и на другой сторонѣ Кар­пат. Зазначеное и в укра­инскых слов­ни­ках, напримѣр, у Грин­ченка, Же­ле­ховского, в украинско-лемковском словнику Ду­ды. Но у ма­тич­ных Лемкох не е в широком хос­но­ваню, судячи з того же в слов­нику Го­ро­ща­ка хы­бить, а у Верхратского споминать ся в пояснѣнях, але не вы­ступуе як гас­ло. Не зазначеное ани в слов­никах войводинскых и во­сточ­но­сло­вацкых Ру­си­нох.