Сирная

Была колись у нас корова
Коли маленькым я ще быв
Не была аж така здорова
Но я за неї не забыв

Сирная – вто скотина была
Тїкала все од мене вна
Й бости мене она любила
В селї была так одна

Кой ся подивит на ня чортом
Рогатым та страшным такым
В моментї быв я поза плотом
Лиш закурив ся за мнов дым

Кобы-м быв мало май великый
Бы-м ся Сирнаї не бояв
Аж бы якый быв плут маленькый
Через нёго бы-м не скакав

Мав я мороку з тов скотинов
Страх наганяла вна менї
Бояв ся я, бо быв дїтинов
Вбы-сь пасла вже в Полонинї

Вбы-м за тя я не знав николи
Тай ты за мене тоже так
Насыпав бы-м ти в очи соли
Вбы-сь ня не видїла нияк

Жерело: подав автор