Темнота

Перестаньте з бесѣдов,
най тихо прогварить!
Най тма закрые бруд,
што зостав по словах,
ничоты и кламства,
о слободѣ...
Кому тото треба?
Же крадеш, а другый ся смѣе?
Же еден богатне, другый у бѣдѣ сивѣе?

Же правда очи коле?
Же душа зостала як пусте поле?

Же мамона правду бреше?
Брат братови на мено не прийде,
покы го не окреше ?!
Же возьме послѣдне из бѣдного стола?
Чоловѣче, позерай,
як еден из другого собѣ робиме вола!

Жерело: InfoРусин 1-2/2009, ст.9