Торнац

Подкарпатскы Русины добрѣ познають сло­во торнац, что дагде ся вы­гва­рять: тур­­нац, тернац (в Бачцѣ), а позначать ве­ран­ду, галерею, терасу под стрѣ­хов звы­чай­но вздовж едной-двох стѣн дав­ной сельской хыжѣ. Мадярскы же­ре­ла (Гей­за Бар­ци) одгадують, же сьме то слово достали од них, понеже в ма­дяр­ском языцѣ ма­ють tornác. Могли сьме то слово взяти але и од Волохох: târ­naț (чит. тырнац), тот од­гад ся под­пе­рать фактом неясного выгваряня ненадголошеного о в первом скла­­дѣ, а тоже ед­накым з румынскым над­го­ло­сом. В каждом припадѣ можеме ед­нозначно по­вѣс­ти, же пришло тото слово до нас од юга. Барци за­зна­чать, же во формѣ trnac на­хо­дить ся и в дакотрых гварах сербскых, гор­ват­с­кых и сло­венскых. И ту слѣ­ды нас повели дале на юг, а в конци цѣлком прав­до­по­доб­но вы­зи­рать, же се сло­во повело ся од та­ли­анского terrazzo (чит. терраццо) 'тераса'.