Ученичый гумор
Кто нашол Америку
– Марчо, укаж на картѣ, де ся находит Сѣверна Америка! – гварит професор на годинѣ географии.
– Ни, ту е! – указуе Марча.
– Точно! А теперь звѣданя вам вшыткым у класѣ: кто нашол Америку?
– Тадь, Марча! – едногласно одвѣтовали школяре.
На годинѣ вѣронаукы
– Владо, повѣч нам, ци ся ты молиш перед каждым полуденком? – интересуе ся професорка вѣронаукы.
– Нѣт, не е потребы, бо моя мама барз добра кухарка! – одповѣл Владо.
Vjenčić Венчик Віночок №64 1/2013
Школны ферии
Учителька гварит школяром:
– На домашну завданку напишете, як есьте перебыли школны ферии. А най то буде довжый текст, повѣчме, такых 200 слов.
Владо домашну завданку написал так: «Уже первый фериалный день был ем барз рядный, бо ем сам, з властной инициативы перефарбил лавицю у нашом дворѣ. Пак тот истый день отець пришол з роботы и, скорше як зайти до хыж, сѣл собѣ на свѣжо пофарбену лавицю дакус одпочити. Што ми вшыткого гварил, як хотѣл встати з лавкы, не мож написати, але бизовно было того вецей як 200 завданых слов!"
Модерна казка
Иде Червена шапочка по лѣсѣ у напрям бабиной хыжы и надыйде на вовка. Он ей гварит:
– Де идеш, дѣвче?
– До бабы.
– Можеш ми дати адрес твоей бабы?
– Чом бы-м не дала? Ту е, запиш: www.baba.yahoo.com.
Vjenčić Венчик Віночок №63 4/2012