Воскресѣня
Зачатком авторовой творчости была робота над церковныма текстами. Яко духовно заложеный чоловѣк вєдно з о. Франтишком Крайняком робив над старославянскыма церковныма текстами, а и доднесь не лишать писати творы духовной тематикы. В обновеном року 2003 Обществѣ св. Йоана Крестителя одповѣдать за языкову коректуру духовного часописа Артос.
Через тоту славну подѣю
Христос нам давать надѣю.
Кебы остав в гробѣ без змѣны,
вѣра бы не мала цѣны.
Он зробив, што никто не мог –
воскресѣньом смерть перемог,
з обыстя смерти живый встав,
жебы помершым живот дав.
Днесь при его порожном гробѣ
тото просьме каждый собѣ:
Христе, як я з мертвых воскресну,
даруй ми славу небесну.
Час посту ся уж поминув,
на радость маме причину,
бо уж сьме чули новину –
Христос воскрес! Воистину!
Зо зборника «Духовны Пѣснѣ» (2008)