Вовча правда

Вовк и ягня ко потоку

Пришли воду пити,

Душно было, требало им

Жажду утолити.

Выбрав мѣстце вовк повысше,
А баранок ниже,
Не выберав, лем собѣ став,
Де му было ближе.

„Про што колотиш ми воду?"
Выркнув вовк хмураво.
Баранок му тихым гласом
Одвѣтив ласкаво:

„Як бы я мог колотити,
Пане, воду твою?
Кедь я не повысше тебе,
А пониже стою?"

„Ещи смѣеш прерѣкати?
Быдля на нич годне!"
Завырчав вовк, а пак раздер
И зъѣв ягня бѣдне.

            *

Вовча правда и у людей
Нерѣдко бывае;

Кто силнѣйшый, кто зубатшый,

Тот и правду мае.

Букварь для народныхъ школъ епархіи Пряшевской

Составилъ Іоаннъ θ. Кизакъ

профессоръ пѣвцоучительской школы
Прага – Пряшевъ,
Изданіе Чехословацкой графической Уніи, 1921. Ст. 53.