Зима

Свирѣпа маточка зима,
То всьо не было бы бѣда;
Но дух коли оцѣпенѣе,
То в свойом бездѣлю зотлѣе!
         Се! з чого я дрожу,
         Про что маню весну.

Студеный вѣтер все свистит,
То всьо мене не засмутит;
Но коли дух зотлѣня вѣе,
А Росс не творит ся и дрѣмле…
         Се! з чого я дрожу,
         Про что маню весну.

Теперь вовкы смѣлѣйше друт,
Наставлю пушков их на путь;
Но од драчов бытя народна,
Лишь трезва жизнь спасти нас годна.
         Се! з чого я дрожу,
         Про что маню весну.

Не чути в корчах солов’я,
Його манят цвѣты, поля;
Но кой по русскы Росс не рече,
Лишь в лѣни валят ся на печи…
         Се! з чого я дрожу,
         Про что маню весну.

Жерело: Листок, 1893, сс. 233–234.

https://rusyns-library.org/listok-duxovno-literaturnyj.../