Зимна роса
Михаил Врабель, што в концѣ девятнадцятого вѣка быв панучительом сперву в селѣ Чемерном Земплинской жупы, пак в Руском Керестурѣ, што в Сербии, а дале робив новинарьом у Будапештѣ и зобрав тото русинское народное спѣваное золото у невеличку книжочку, котрой дав славное имня «Русскій соловей», и – на свои грошы! – выпечатав ю 1890-го года в Ужгородѣ…
Мож цитовати и цитовати сесѣ русинскы народны шедевры, и такой сердцем, душов чуствуеме не лем лексичный строй сих спѣванок, ай и то, яков незгаснов половеньов сапат из них наш русинскый дух!
Иван Петровций
Зимна роса, – уж морозно,
в осени пристигат грозно.
Як пристигат, – вино цѣдят,
од дѣвчины ручку просят.
Я скосил яру пшеничку,
люде косят комоничку,
Я любил красну дѣвочку,
вна другому дала ручку.
Пойдь до ярма, малый бычку,
поореме милой лучку,
буду квѣткы засѣвати,
ачей, прийде поганяти.
Я купил чорну овечку,
што мнѣ принесла ягничку,
уж мам овцю и барана,
ачей пойде мила за мня.
Жерело: Русскій соловей. Народныя пѣсни. Собралъ М. Врабель Унгваръ. 1890. 34.