Двасторочна драга – Двасторочна дорога

02.09.2013 09:46

Михайло Ковач забера значне место у историї рускей литератури, зоз своїма литературнима дїлами означел XX. вик и постал еден медзи найплоднєйшима и найпознатшима писателями.

Марина Кухар

ДВАСТОРОЧНА ДРАГА

 

Од нас на драги двасторочней
мало нє шицко други побрали,
звичаї, шмати, мено и слово,
лєм шерцо, ми шерцо одбрац нє дали.

 

Воно як жирячка у цеплей пирнї
виками скрите нєпреривно тлєло,
чекало бидне хто ґар роздує,
же би ше огньом розжирячело. 
 

И пришол час тот... По огню войни
нас притулєли правдиви браца.
По двасторочней драги церньовей
знова нам шерца огньом жиряца...

 

Бовча з любову ґу тей мацери
цо нас за свойо власни прияла,
грею памятку на давну мацер,
цо нас кедишка на швет тот дала.

ДВАСТОРОЧНА ДОРОГА

 

Од нас в дорозѣ двасторочной
мало не вшытко другы побрали,
звычаи, шатя, мено и слово,
лем сердце сьме, сердце взяти не дали.

 

Оно, як гранинка у теплой спузѣ,
вѣками скрыто непрерывно тлѣло,
чекало бѣдне, кто грань роздуе,
жебы огнем ся зась роспалило. 
 

И пришол час тот... По огню войны
нас притулили правдивы братя.
По двасторочной перти терневой
знова нам сердця огнем яснят ся...

 

Свѣтят з любови ку той матери,
што нас за свои властны прияла,
грѣют з памяткы на давну матерь,
што у колысцѣ нас колысала.

 

Теги:

| |

Назад