Карст (крас)

Дакотры камѣнны породы под вплы­вом грун­то­вых вод рос­пу­ща­ють ся, тво­рячи роз­личны фор­мы пещер, жо­ло­бох, ко­ло­дя­зи, шахт и т.п., что до­стали об­щу на­зву карст, або крас. Она по­ве­ла ся од зем­ле­пис­ной назвы вы­со­ко­ров­нѣ  Kras на гра­ни­цях Сло­вении, Италии и Гор­ва­тии, кот­рой тали­ан­ска на­зва Carso, дав­но­сло­вин­ска Grast (ХІІ в.; днесь Kras), нѣ­мец­ка Karst. Як­раз тота по­слѣд­на до­ста­ла най­шир­шое ме­джи­на­род­ное хоснованя.  Такы карстовы, або красовы горы маеме и на грани­ци Сло­ва­кии и Мадярщины, что ся одповѣдно называють Gemersko-Turniansky kras и Gömör–Tornai-karszt. Понеже днесь Русины суть роздѣлены штат­ныма гра­ни­цями, они мають розличное хоснованя сей двоякой назвы: вой­во­динскы познають обѣ назвы, Лемкы – крас, а подкарпатскы и мадярскы – карст.