Овад (инсект)

Вшитко тото дробное и докучливое, что во множествѣ лѣзать и лѣтать вся­гды доокола нас и вадить нам, вадить ся на нас, докучать нам и быдлу назы­ва­еме овадами од глагола вадити ’быти на за­вадѣ’, ва­ди­ти ся ’вѣшати ся, при­пи­вати ся’. На хосен такого обясненя при­спѣвать и бѣлорусское вадзень, де пре­фикс вытратив ся. Треба зазначити, же суть и другы обясненя.  В научном хос­но­ваню упо­треб­ляеме интер­нацио­на­лизм инсек­т  од лат. insectum, что есть калка из гр. εντο­μον ’надрѣзаный, над­­­сѣче­ный’, одкы ен­то­мо­логия ’наука о инсектах’, а рус­скый язык мае з того далшу калку: на­сѣ­комое. Кедь поникаеме на векшину харак­терных пред­ста­вительох той части животинского свѣта, легко видиме, же грецка, ла­тин­ска, русска (и русинска научна) назвы основаны на визуалной и умст­вен­ной перцепции, а русинска народна – на емоционалной и прак­тич­ной, что вытѣ­кала з пастырства, главного давного заниманя Русинох.