Слалом за валалом
04.09.2013 21:40
Вѣтер в ухах свище...
Хто скорше, вѣтрище?
Снѣгом до оч мече,
трим ся, чоловѣче.
Лечу, як комета
з далекого свѣта.
Уж е ту скок. Рата!
До бока ня крятат.
Лем бы не упасти –
дѣвкы оком пасут.
Гоп! Йду дале щастнѣ,
тримав ем ся краснѣ.
Змагат ня теплота,
бо лечу до плота.
Сосѣд кричит:
што ти-и… –
тѣснѣ йду при плотѣ.
Лыжы то є драма,
быв бы-м ту до рана,
лем тота в том смола,
же завтра е школа.
Жерело: InfoРусин 3-4/2008. 14