Надь Митро
(*1896.11.04 – †1962.02.08) –руснацкый поет и културно-просвѣтный дѣятель меджи дольноземскыма Руснаками. Писав в духу людовой поезии, а многы з его вершох ся стали людовыма спѣванками.
Загучали гори
Загучали гори, загучали лєси
Сердечко премиле, в хторим краю, дзе ши?
Гори побилєли, лєси опусцели
Степи на ровнїни, чи ши тамаль мили?
Природа заспала, груби шнїг жем скрива,
А мойо памятки слунечко огрива:
Тото миле лїчко и красна сподоба,
Тоти чарни очи чуда зо мну робя.
Шерцо баржей дурка, кед думка полєци
Могло би ше случиц, да з думку одлєци.
Думки мойо, думки, дзе сце полєцели
Чи сце моей милей потїху однєсли?
Док я в цудзим краю швет шветом вандруєм
Дотля нашо щесце, премила, будуєм.
Знай, же шмело крачам по тим гришним швеце
Знам же и твой ангел драшки ми замеце.
Док я в ширим швеце, ти в родзеним краю
Прекрасни ше думки у драже стретаю
Легчейше ше зиду думки як цо очка
Най ше думка з думку место нас побочка.
Жерело: Руски калєндар за югославяньских Русинох на прости рок 1937.
Руски Керестур: Руске Народне Просвитне Дружтво. pp. 127–129.